布魯日舒高 對 奧斯坦德

軍情

布魯日舒高的車路士借將前鋒伊基烏保上場聯賽又有進帳，今季上陣13場已有8個入球，表現出色，最值得留意。後防重心迪哥斯達利腓骨受傷，休戰6週，影響不少。保加利亞後衛韋高夫斯基從新冠肺炎中病癒，上場以後備身份重返賽場，今場亦可以候命。

奧斯坦德中場迪希斯雖然因肌肉受傷依舊缺陣，但此子日前與球會續約至2024年，實屬好消息可振奮軍心。曾參與梅赫倫及標準列治青訓的南非中堅高路尼華特，近日到奧斯坦德試腳；此子於2016年曾有機會加盟曼聯，質素不俗，或可提升球隊實力。

布魯日舒高
停賽：／
上陣成疑：／
受傷／缺陣：米基爾雲丹美（門將）、迪哥斯達利（後衛）、基利安夏薩特（中場）

奧斯坦德
停賽：／
上陣成疑：／
受傷／缺陣：迪希斯（中場）

近況

布魯日舒高剛戰比甲以1比2負於奧特海維利，近期錄得3連敗，狀態低沉。布魯日舒高近期士氣平平，主場出擊亦看淡。奧斯坦德上輪以2比1擊敗真特，終於擺脫之前聯賽5場不勝走勢；今場乘勇出擊，加上實力較強，秤高一線。

對賽

?兩軍上次交手，奧斯坦德勝3比1。